உலகின் மிக வயதான யோகா ஆசிரியர்

அமெரிக்காவின் புளோரிடா மாகாணத்தைச் சேர்ந்த 91 வயதான பெண்மணி ஒருவர், உலகின் மிக வயதான யோகா ஆசிரியர் என கின்னஸ் சாதனை புத்தகத்தில் இடம்பெற்றுள்ளார்.


பெர்னிஸ் பேட்ஸ் என்ற அப்பெண்மணி கடந்த 50 வருடங்களாக யோகா செய்து வருகிறார். அவருக்கு 70, 80 மற்றும் 90 வயதுகளில் மாணவர்களும் உள்ளனர்.



யோகா தனக்கு பலத்தையும், எதையும் அனுபவிக்கும் தன்மையையும் அளிப்பதாக பேட்ஸ் தெரிவித்துள்ளார்.

91 வயதான பேட்ஸ் தற்போதும் எடைகளை தூக்குதல், நீச்சலடித்தல் உட்பட பல உடற்பயிற்சிகளையும் செய்து வருகிறார் என்பது குறிப்பிடத்தக்கது

அன்புடன் சக்தி

உப்பில் உருவான சாதனை ஓவியம்

சமையல் செய்யும் பொழுதுமட்டுமே உப்பை பயன்படுத்தும் பெண்களுக்கு மத்தியில் உப்பை பயன்படுத்தி வேலூரை சேர்ந்த சதீஷ் என்ற தொழில் அதிபர் மனைவி சரிதா 84 சதுர மீட்டர் பரப்பளவில் 7 வண்ணங்களில் மிகப் பெரிய ஓவியம் தீட்டி சாதனை படைத்துள்ளார் .

உலக வெப்பமயமாதல் பற்றிய விழிப்புணர்வை ஏற்படுத்தும் வகையில் வரையப்பட்ட இந்த ஓவியம் எலைட் உலக சாதனை புத்தகத்தில் இடம்பெறவுள்ளது.

வேலூரை சேர்ந்த இவர் படிக்கும் போதே ஓவியப் போட்டிகளில் பங்கேற்று பல பரிசுகளை பெற்றவர்.



7 மீற்றர் அகலமும், 12 மீற்றர் உயரமும் கொண்ட 84 சதுர மீற்றர் பரப்பளவில் 9 மணி நேரத்தில் மிகப் பெரிய ஓவியம் வரைவதற்கு கோவையில் உள்ள எலைட் நிறுவனத்திற்கு தொடர்பு கொண்டு அனுமதி பெற்றார்.



3 மணி நேரத்துக்கு 15 நிமிடம் ஓய்வு என்ற நிபந்தனையுடன் இரு முறை மட்டும் ஓய்வு எடுத்துக் கொண்ட அவர் 8 மணி 15 நிமிடங்களில் தனது சாதனையை நிறைவு செய்தார்.

இது குறித்து "எலைட்' உலக சாதனை நிறுவனத்தின் நிறுவனர் பிரதீப் குமார் கூறுகையில்,""எலைட்' உலக சாதனை நிறுவனத்தின் மூலம் கடந்த 3 ஆண்டுகளில் 10 ஆயிரத்து, 800 சாதனையாளர்கள் உலகுக்கு அறிமுகப்படுத்தப்பட்டுள்ளதாகவும், 96 நாடுகளில், 11 உலக சாதனைகள் செய்யப்பட்டுள்ளது,'' என, கூறினார்.

பின்னர், "எலைட்' உலக சாதனை செய்த சரிதாவுக்கு சான்றிதழை, "எலைட்' நிறுவன நிறுவனர் பிரதீப் குமார் வழங்கினார். வேலூர் அரசு மருத்துவக் கல்லூரி மருத்துவமனை சீனியர் உதவி விரிவுரையாளர் டாக்டர் கோமதி. சமையல் கலை வல்லுனர் மல்லிகா பத்திரி நாத், கலெக்டர் நாகராஜன் மனைவி லாவண்யா, சி.எம்.சி., தலைமை மருத்துவர் டாக்டர் நிகால் தாமஸ் உட்பட பலர் கலந்து கொண்டனர்.

துபாய் வர்த்தகசபையில்( Dubai Chamber of Commerce and Industry)நடந்த ஓவியப்போட்டியில் வெற்றிபெற்ற தமிழர்

 "திரைகடலோடியும் திரவியம் தேடு" என்ற பொன்மொழிக்கேற்ப
 பல நாடுகளில் பணிபுரியும் நம் தமிழர்கள். அந்நாடுகளில்
பல சாதனைகளையும் புரிந்து தமிழர்களுக்கு பெருமை சேர்த்து வருகின்றனர்.அந்தவகையில் துபாய்வர்த்தகசபையில்(dubai chamber of commerce)நடந்தஓவியப்போட்டியில் ஒரு தமிழர் வெற்றிபெற்றுள்ளார்.

துபாய் தேசிய நாள் விழா (dubai national day)துபாய் வர்த்தக சபையில் கொண்டாடப்பட்டது.இதில் அங்கு பணிபுரியும் அதிகாரிகளுக்கு பரிசுகள் வழங்கப்பட்டது.மேலும்அங்குபணிபுரியும்அதிகரிகளுக்கிடையில் ஓவியப் போட்டியும்நடைபெற்றது.இதில் தமிழ்நாட்டைச்சேர்ந்த மேலாளர் ஒருவர் வரைந்தஓவியத்திற்குமுதல்பரிசு கிடைத்தது

முதல் பரிசு பெற்ற ஓவியம்



போட்டியில் பங்குபெற்ற ஓவியங்கள்



 

தமிழர்கள் பார்க்கவேண்டிய படம்

போதி தருமன்- சூர்யா நடிக்கும் “ஏழாம் அறிவு” படத்தில் கதையின் நாயகன் இந்த போதி தர்மன் தான். போதி தருமன் போன்று வாழ்ந்த  பல தமிழர்களின் வாழ்க்கை வரலாறுகளைப் படிப்பதன்மூலம்   தமிழர்களின் நாகரிகம் மட்டும்மின்றி அறிவியல் திறனையும் அறிந்துகொள்ளமுடியும்.

இந்த உலகத்துக்கு நாம் என்னவெல்லாம் கொடுத்தோம் என்பதை மறந்து, தாழ்வு மனப்பான்மையில் விழுந்துகிடக்குறோம். 2,000 வருடத்துக்கு முந்திய காலத்தையும், இந்த நாளையும் ஒப்பிட்டுப்பார்த்தால் அன்று உலகிற்கு அறிவியலைச் சொல்லிக்கொடுத்தோம்.இன்று .....?நம் தேசத்தின் அறிவியல் என்பது வாழ்வு சார்ந்தது. அதை நாம் காரணமே இல்லாமல் புறக்கணித்து இன்று வெளிநாடுகளில் கையேந்துகிறோம்.



  'தமிழர் பண்பாடு சிறந்தது. அதன் சரித்திரம் மிக பன்மையானது. அதை மறந்துகொண்டிருக்கும் தலைமுறை அதை மீண்டும் போற்ற வேண்டும். அதன் பெருமையை காக்க வேண்டும்.' - இந்த மிக முக்கியமான கருத்தை உணர்த்தும் படம் ஏழாம் அறிவு.





கிபி 5 ம் நூற்றாண்டில் பல்லவ சாம்ராஜ்யத்தில் கந்தவர்மன் என்ற மன்னனின் மூன்றாம் மகனாகப் பிறந்தவர் தான் இந்த போதி தர்மன். காஞ்சிபுரத்தில் பிறந்தவர். அதன் பின்னர் புத்த மதத்தைத் தழுவியவர்.


கடல்வழியாக இந்தோனேஷியா, ஜாவா, சுமத்ரா உள்ளிட்ட தென்கிழக்கு ஆசிய நாடுகள் முழுவதிலும் போதி தர்மன் மகாயானத்தைப் பரப்பியுள்ளார்.






புத்த மத குருவாக மாறிய பிறகு சீனாவுக்கு பயணம் மேற்கொண்டார் போதி தர்மன். பின்னர் அங்கே மகாயான புத்த வம்சத்தைப் பரப்பியதாகவும், 150 ஆண்டுகள் அங்கே உயிரோடு இருந்ததாகவும் சீன வரலாறு கூறுகிறது. ஷோலின் குங்ஃபூ என்ற உலகின் மிகச் சிறந்த தற்காப்புக் கலையை நிறுவியரே இவர் தான் என்கிறது வரலாறு. இதற்கான கல்வெட்டு சீனக் கோயிலில் இன்றும் உள்ளது. விடியோவை பர்ர்க்க இங்கு சொடுக்கவும்





அன்புடன் சக்தி

ஒரு தேசியத்தலைவரை சாதியத்தலைவராக்கிய அரசியல்

தேசியமும் தெய்வீகமும் எனது இரு கண்கள் என்று சொன்னவர்  பசும்பொன் முத்துராமலிங்கத் தேவர்.இவர் ஜாதி தலைவர் இல்லை. அரசியல்வாதிகளில் அப்பழுக்கற்றவர்.

 சுதந்திர போராட்ட வீரர்,


 கடைசிவரை திருமணமே

செய்துகொள்ளாமல் தனது சொத்துக்களை மக்களுக்கே கொடுத்த தியாகி.
இந்து தாய்க்கு பிறந்து, இஸ்லாமிய பெண்ணால் வளர்க்கப்பட்டு, கிறிஸ்தவ பாதிரியார்களால் கல்வி பெற்றவர்.



அடுத்தவரின் பணம் ஒரு ரூபாய்க்கு கூட ஆசைப்படாத ஆன்மீகவாதி. தேசியமும்

தெய்வீகமும் எனது இரு கண்கள் என்று சொன்ன அற்புத மனிதர். இப்படிப்பட்ட ஒருவரை

 இந்த தேசியத் தலைவரை சிலர் தங்களின் சுய

லாபத்திற்காக ஜாதித்தலைவராகத் திரித்துவிட்டது வருத்தம் தரும் விஷயமாக

இருக்கிறது.
இன்று குறிப்பிட்ட ஜாதிமக்கள் மட்டுமே  இவரைப்போற்றுகின்றனர்.
உண்மையில்  இவர் எல்லோருக்கும்  பொதுவானதேசியத் தலைவர். 


பசும்பொன் தேவர் 4000 நாட்களை சிறையிலேயே கழித்தார்.
1960 ல் புளிச்சிகுளத்தில் தனக்கு சொந்தமான எஸ்டேட்டில் தங்கி இருந்த தேவர், திருச்சுழி பதிவாளரை, தம் இருப்பிடத்திற்கு அழைத்து ஓர் இனாம் சாசனத்தை பதிவு செய்தார். அதில் தன்னுடைய சொத்துக்களை 17 பங்காகப் பிரித்து அவற்றில் ஒரு பாகத்தை தனக்கு வைத்துக்க் கொண்டு மீதி 16 பங்கை 16 பேருக்கு எழுதி வைத்தார்.அதில் பசும்பொன்னை சேர்ந்த அரிஜன வகுப்பில் பிறந்த வீரன், சந்நியாசி, என்ற இருவருக்கும் இரண்டு பாகங்களை ஒதுக்கி பசும்பொன் தேவர் பத்திரப் பதிவு செய்தார். ஆம்! தன்னுடைய சொத்துக்களை அனுபவிக்கும் உரிமையில் இரண்டு அரிசனங்களுக்கும் எழுதி வைத்த பெருந்தகையாளர் பசும்பொன் தேவர்.















அன்புடன் சக்தி

.மழை நீரில் நனையாமல் மக்களைக் காக்கும் சிலை

மர்லின் மன்றோ. உலகம் முழுவதும் ரசிகர்களின் கவர்ச்சிப் புயலாக  வலம் வந்தார்.

இன்று புயல்மலைக்கு குடை ஆகிவிட்டார் 

ஹாலிவுட் திரையுலகை 1947 முதல் 1962 வரை கலக்கியவர் மர்லின் மன்றோ. உலகம் முழுவதும் ரசிகர்களின் கவர்ச்சிப் புயலாக  வலம் வந்தார். தனது 36-வது வயதில் அவர் மர்மமாக மரணம் அடைந்தார். விஷம் தின்று தற்கொலை செய்ததாக கூறப்பட்டது. இன்னும் சிலர் அவர் கொலை செய்யப்பட்டதாக சந்தேகம் கிளப்பினர்.

மர்லின் மன்றோ மூன்று பேரை திருமணம் செய்து விவாகரத்து செய்தார். அப்போதைய அமெரிக்க ஜனாதிபதி ஜான்கென்னடியுடனும் இணைத்து பேசப்பட்டார் .  மர்லின் மன்றோவின் 26 அடி உயரமான சிலையொன்று அமெரிக்காவின் சிகாக்கோ நகரில் கடந்தஜூலை மாதம்  திறந்துவைக்கப்பட்டுள்ளது. துருப்பிடிக்காத இரும்பு மற்றும் அலுமினியத்தாலான இந்த சிலை 15422 கிலோகிராம் எடையுடையது. சேவார்ட் ஜோன்ஸன் எனும் சிற்பக் கலைஞர் இச்சிலையை உருவாக்கியுள்ளார். 1955 ஆம்ஆண்டு வெளியான த செவன் இயர் இட்ச் எனும் திரைப்படத்தில் வரும் மர்லின் மன்றோவின் வெகு பிரபல்யம் பெற்ற காட்சியொன்றை சித்தரிக்கும் விதத்தில் இச்சிலை வடிமைக்கப்பட்டுள்ளது. மேற்படி திரைப்படக் காட்சியில் மர்லின் மன்றோ அணிந்திருந்த வெள்ளை கவுண் கடந்த மாதம் 46 லட்சம் அமெரிக்க டொலர்களுக்கு ஏலத்தில் விற்பனை செய்யப்பட்டமை குறிப்பிடத்தக்கது. இச்சிலைஇன்று.மழை நீரில் நனையாமல் மக்களைக் காக்கும் சிலை ஆகிப்போனது 

  

  

அன்புடன் சக்தி

வணக்கம் தோழர்களே...

ஒரு புறம் மக்கள் உணவின்றி சாக... மற்றோர் புறம் கோவில்களில் செல்வங்கள் குவிந்து கிடக்கிறது.



தங்கள் அடிப்படை வசதிகளை கூட பெற்றுக்கொள்ள இயலாமால் தவிக்கும் மக்கள் மத்தியில் சாமிகளுக்கு செல்வங்களை அள்ளி கொடுக்கிறார்கள்



சாமி கும்பிடுகிறேன், பிரசாதம் படைக்கிறேன், மொட்டை அடிக்கிறேன் காணிக்கைகள் செலுத்துகிறேன், தங்கத்தில் சிலை வைக்கிறேன், கோயில் கட்ட நிதி கொடுக்கிறேன், நகைகள் சாத்துகிறேன்....... இன்னும் அடுக்கிக்கொண்டே போகலாம். அவ்வளவு செய்கிறார்கள் கோயில்களுக்கு (சாமிக்கு) மக்கள். போதாக்குறைக்கு தங்கள் தலைகளில் தேங்காய் உடைக்கிறார்கள்.



இது மட்டுமா? சாமிக்கு மட்டுமில்லாமல் சாமியார்களுக்கு வேறு வாரி வழங்குகிறார்கள். சாமியார்களை தரிசிக்க வேறு வகை வகையாய் கட்டணங்கள். அவருக்கு பாத பூஜை செய்ய தனி கட்டணமாம். பக்கத்தில் சென்று பார்க்க ஒரு கட்டணமாம். தூரத்தில் நின்று பார்க்க ஒரு கட்டணமாம். என்னை கொடுமை இது? கொண்டு போய் கொட்டுகிறார்கள். கண் முன்னே கண்டிருக்கிறேன் இந்த காட்சிகளை எல்லாம். அப்போது எல்லாம் என் மனதில் படிக்க வேண்டிய வயதில் குப்பை பொறுக்கும் சிறுவர்களும், தேநீர் கடைகளில் கோப்பைகளை கழுவும் சிறுவர்களும் தான் வந்தார்கள்.



எதற்காக? சாமிக்கு எதற்காக இத்தனை செய்கிறார்கள்?



அவர்களின் எதாவது ஒரு விருப்பம் நிறைவேறி இருக்கலாம்.

நினைத்தது கிடைத்து இருக்கலாம்.

வசதி பெருகி இருக்கலாம்.

பெருமைக்காக செய்யலாம்.

பயந்து போய் செய்யலாம்.



காரணங்களையும் அடுக்கிக்கொண்டே போகலாம்.



ஆனால்,



இதை எல்லாம் விட தன் சக மனிதனின் துயர் துடைக்கலாமே....!



சாமி, கோவில் என செல்வங்களை வழங்குவதை விட கண்முன்னே துயர்படும் மக்களுக்கு கொடுத்து உதவலாமே!



உணவின்றி உயிர் விடும் சக மனிதனுக்கு உதவலாம்.



படிக்க வசதி இல்லாத குடும்பத்தை சேர்ந்த குழந்தைகளின் கல்விக்காக சிறு உதவிகள் செய்யலாம்.



ஆதரவற்ற முதியோர் , குழந்தைகளின் நல்வாழ்வுக்கு உதவலாம். அந்த குழந்தைகளை படிக்க வைக்கலாம்.



தானமாக கொடுக்காவிட்டாலும் நான்கு பேருக்கு வருமானம் ஈட்டும் வகையில் ஏதேனும் உதவிகள் செய்யலாம்.



திருந்துவார்களா?

நன்றி
அக்னித் தமிழச்சி

அன்புடன் சக்தி

இளமைலேயே முதுமை அடைந்த நவீன ஔவையார்

இளமைலேயே முதுமை அடைந்த நவீன ஔவையார்

வயோதிக தோற்றத்திற்கு காரணமே வயதாகுதல் தான். ஆனால் இவருக்கு நடந்த நிகழ்வைப் பார்ப்போம். வியட்நாம் நாட்டை சேர்ந்தவர் 26 வயதான இளம் பெண்மணி Phuong எனும் அழகி.

இந்த பெண்மணி கடந்த 2008 ம் ஆண்டு கடலுணவு வகைகளை அதிகம் சாப்பிட்டுள்ளார். இதன் பின்னர் இவரது முகம் வீங்கி ஒவ்வாமை நிலைக்கு ஆளாகியுள்ளார்.







இதனால் பெரிதும் பாதிக்கப்பட்ட இவர் தனது கணவரான 34 வயதான Nguyen Thanh Tuyen என்பவரது உதவியுடன் வைத்திரை நாடியுள்ளார். பின்னர் வைத்திய சிகிச்சைக்காக சென்ற பெண்மணி டாக்டர்களின் ஆலோசனைக்கு அமைய ஒவ்வாமை மருந்துகளை தொடர்ச்சியாக உட்கொண்டு வந்துள்ளார். உட்கொண்டு பலனளிக்காததால் 2009 ம் ஆண்டு தான்பயன்படுத்திய அனைத்து மருந்துகளையும் நிறுத்திக்கொண்டார்.







ஆனால் அதன் விளைவு தற்போது பெண்ணின் உருவம் 70 வயது கிழவி போன்று மாறிவிட்டது. இதுபற்றி இந்த பெண் கருத்த தெரிவிக்கையில்:- எனக்கு இதுவரை எந்த குழந்தைகளும் இல்லை.



ஆனால் என் முகம் வயதானாலும் வயிறு அதிக குழந்தைகள் பெறக்கூடிய இளமையாகத்தான் இருக்கிறது. மேலும் நான் விகாரம் அடைந்தாலும் என் கணவர் என்னை அன்பாக கவனித்து வருகிறார் என்று குறிப்பிட்டார்.

அன்புடன் சக்தி

அதிகாலையில் எழுவதால் கிடைக்கும் சக்திகள் என்னென்ன?

அதிகாலை வேலையில் எழுவது பல நன்மைகளைத் தரும் என்று சாஸ்திரங்களும், விஞ்ஞானமும் கூறுகின்றன. வைகறைப் பொழுதில் சூரியனிடம் இருந்து பூமியை வந்தடையும் ஒளிக்கதிர்கள் சக்தி வாய்ந்தவை. இவை நம் உடலில் படும்போது நரம்புகளுக்கு புதுத்தெம்பையும், உற்சாகத்தையும் கொடுக்கின்றன. கண்கள்ஆரோக்கியத்தையும், உடல் வலிமையையும் பெறுகின்றன. அதனால் தான், சூரிய நமஸ்காரம் செய்வது மிகச் சிறந்த வழிபாடு என்று நம் முன்னோர்கள் கூறினார்கள். சனிக்கிழமை அன்று அதிகாலை நேரத்தில் சனி பகவானுடைய கிரகண சக்தி பலம் பெற்றிருப்பதால், அன்றைய தினம் நல்லெண்ணெய் குளியல் செய்வது மிகவும் சிறப்புடையது என்று சாஸ்திரங்கள் கூறுகின்றன. இந்த அதிகாலை நேரத்தில் எழுவதால் உடல் சுறுசுறுப்படையும், ஆரோக்யமாக இருக்கும். மனஅழுத்தம் இல்லாமலும், பரபரப்பில்லாமலும் காரியங்கள் சிறப்பாக முடியும். உடலுக்கும், உள்ளத்துக்கும் ஊட்டம் தருவது காலையில் கண்விழிப்பதாகும்.உஷத்காலம் உஷஸ் என்னும் பெண்தேவதையைப்பற்றி ரிக் வேதத்தில் சொல்லப்பட்டுள்ளது. இவள் தோன்றிய பின்பே சூரியன் உதயமாகிறான். இதனாலேயே விடியற்காலை நேரம் உஷத் காலம் எனப்படுகிறது. இந்த தேவதையின் செழிப்பான கிரணங்கள் விடியற்காலையில் பூமியை நோக்கிப்பாய்வதால்தான் அந்த வேளையில் நீரில் மூழ்கி நீராடுதல் விசேசமாக சொல்லப்படுகிறது. இதனால்தான் அதிகாலை நேரத்தில் நீரும் வெதுவெதுப்பாக காணப்படுகிறது. அதிகாலையில் பிரம்ம முகூர்த்தத்தில் எழுந்திருக்க வேண்டும் என்று நம் சாஸ்திரங்கள் தெரிவிக்கின்றன. பிரம்ம முகூர்த்தம் என்பது காலை 3 மணி முதல் 5 மணிவரை.

அன்புடன் சக்தி

நன்றி தினமலர்  

ஈடிஏ அஸ்கான் மேலாண்மை இயக்குனருக்கு உலகத் தமிழர் மாமணி விருது

துபாய்: துபாயில் நடந்த 2வது உலகத் தமிழர் பொருளாதார மாநாட்டில் ஈடிஏ அஸ்கான் மேலாண்மை இயக்குனருக்கு உலகத் தமிழர் மாமணி விருது வழங்கி கௌரவிக்கப்பட்டது.

துபாயில் 2வது உலகத் தமிழர் பொருளாதார மாநாடு கடந்த 1ம் தேதி முதல் 4ம் தேதி வரை உலக வர்த்தக மைய கன்வென்ஷன் அரங்கில் நடந்தது.

நிறைவு விழாவன்று சென்னை வளர்ச்சிக் கழக தலைவர் டாக்டர் வி.ஆர்.எஸ். சம்பத் வரவேற்புரை நிகழ்த்தினார்

நிறைவு விழாவில் துபாய் ஈடிஏ அஸ்கான் ஸ்டார் குழும மேலாண்மை இயக்குநர் சையது எம். ஸலாஹுத்தீன், மலேசிய முன்னாள் அமைச்சர் டத்தோ சாமிவேலு, தோஹா வங்கி தலைமை நிர்வாக அதிகாரி சீதாராமன், மொரீஷியஸ் முன்னாள் அமைச்சர் ஆறுமுகம் பரசுராமன், அமெரிக்க டாக்டர் பி. ஆதிநாராயணன், ஆஸ்திரேலிய டாக்டர் பால் மொமினிக், மாஸ்கோ பாஸ்கரன், குவைத் ராஜா, சிங்கப்பூர் திருநல் கரசு பழனியப்பன் உள்ளிட்டோருக்கு ‘உலகத் தமிழர் மாமணி’ விருது வழங்கப்பட்டது. இந்த விருதினை ஆற்காடு இளவரசர் நவாப் முஹம்மது அப்துல் அலி மற்றும் இந்திய பணியாளர் நலம் மற்றும் ஓய்வூதிய நல இணையமைச்சர் வி. நாராயணசாமி ஆகியோர் வழங்கினார்கள்.

நெல்லைச் சீமையைச் சேர்ந்த அமீரகத்தின் அப்போலோ குழும தொழில் அதிபர் ஜமால் மீரான் சமீபத்தில் மரணமடைந்தார். அன்னாரின் உருவப்படத்தினை அமைச்சர் நாராயணசாமி திறந்து வைத்தார். அதனைத் தொடர்ந்து நிறைவுப் பேருரை நிகழ்த்திய நாராயணசாமி கூறியதாவது,

இந்தியப் பொருளாதாரத்தின் வளர்ச்சி அபரிமிதமானது. உலகப் பொருளாதாரத்தில் சீனாவுக்கு ( 11 % ) அடுத்தபடியாக இந்தியாவின் பொருளாதார வளர்ச்சி 9 % என்ற அளவில் இருந்து வருகிறது. உணவுக்காக வெளிநாட்டினை எதிர்பார்த்திருந்த காலம் போய் இன்று இந்தியத் திருநாட்டிலேயே அனைத்து உணவுப் பொருட்களும், விலை பொருட்களும் கிடைக்கின்றன. இவற்றை வைப்பதற்கு தானிய வைப்பறை தான் போதிய அளவு இல்லை.

20.10.2011 அன்று வெளியான தானிய உற்பத்தி அறிக்கையிலிருந்து 234 மில்லியன் டன் உணவு உற்பத்தி செய்யப்பட்டுள்ளது என்று தெரிய வந்துள்ளது. இவற்றினை இந்தியாவின் 65 சதவீத மக்களுக்கு இலவசமாகவே வழங்கலாம். 2 மற்றும் 4 சக்கர வாகனங்கள் வாங்குவது அரிதாக இருந்த காலம் போய் இன்று அனைத்து வித வாகனங்களும் இந்தியாவிலும், தமிழகத்திலும் உற்பத்தி செய்யப்படுகின்றன.

ஐரோப்பிய நாடுகளைப் பொறுத்த வரையில் 50 வயதுக்கு மேற்பட்டவர்கள் மக்கள் தொகையில் 50 சதவீதம் உள்ளனர். ஆனால் இந்தியாவைப் பொறுத்தவரை 20 முதல் 35 வயதுடையோர் 65 சதவீதம் உள்ளனர். இதுவும் நமது பொருளாதார வளர்ச்சிக்கு மற்றுமோர் முக்கியக் காரணம். மேலும் உற்பத்தி திறன் அதிகரித்திருப்பது போன்று மக்களின் வாங்கும் சக்தியும் அதிகரித்துள்ளது என்பது குறிப்பிடத்தக்கது.

இன்று சுற்றுலாத்துறை மிகப்பெரும் வளர்ச்சியினை எட்டியுள்ளது. இந்தியாவிற்குள்ளே ஒவ்வொரு மாநிலத்தவரும் சுற்றுலா செல்வதில் ஆர்வம் காட்டி வருவது ஆரோக்கியமான விஷயமாகும்.

உலக அளவில் பொருளாதார ஸ்திரத்தன்மை அதிகரித்த போதும் இந்தியாவின் பொருளாதாரம் பெரிய அளவில் பாதிப்படையவில்லை. மருத்துவத் துறையிலும் இந்தியாவை தேடி வருவோர் ஏராளம். இந்தியத் திருநாட்டில் வாய்ப்புகள் அதிகம். அதனை அனைவரும் பயன்படுத்திக் கொள்ள முன்வர வேண்டும் என்றார்.

ஆற்காடு இளவரசர் நவாப் முஹம்மது அப்துல் அலி அவர்கள் சமூக நல்லிணக்கத்தை வலியுறுத்திப் பேசினார். அவர் பேசியதாவது,

எங்கள் முன்னோர்கள் தென்னிந்தியாவின் பெரும்பகுதியை ஆண்டனர். அப்போது மயிலாப்பூர் கபாலீஸ்வரர் கோவில், ஸ்ரீரங்கம் கோவில் உள்ளிட்ட பல்வேறு கோவில்களுக்கு நிலங்களைத் தானமாகக் கொடுத்தனர். திருக்குர்ஆன் கூறியபடி அவர்கள் மதம் அவர்களுக்கு எனும் வாக்கிற்கேற்ப ஒவ்வொருவரும் பிற சமயத்தாரை மதிக்கக் கற்றுக் கொள்ள வேண்டும்.

மேற்குலகினர் இஸ்லாம் என்றால் தீவிரவாதம் என்ற தவறான கருத்தினைக் கொண்டுள்ளனர். இந்நிலை மாறவேண்டும். தமிழகத்தில் மருத்துவம், பொறியியல் உள்ளிட்ட தொழில்நுட்பங்கள் நிறைந்துள்ளன். அவற்றைப் பயன்படுத்தி உலக அரங்கில் நாம் முன்னிலை பெற முடியும்.

ஒரு சில அரசியல் கட்சிகளும், அமைப்புகளும் இளைஞர்களை தவறான வழிக்கு பயன்படுத்துகின்றன. இவை தடுக்கப்பட வேண்டும் என்றார்.

தங்கவேல் நன்றியுரை நிகழ்த்தினார். அதனைத் தொடர்ந்து கலை நிகழ்ச்சிகள் நடைபெற்றன. இந்த நிகழ்ச்சியில் தமிழக வர்த்தகப் பிரமுகர்கள் பலர் கலந்துகொண்டனர்

அன்புடன் சக்தி

தென்னாபிரிக்காவில் ஒரு பாம்பு மற்றொரு பாம்பை சாப்பிடுகிறது.

மனுசன மனுஷன் சாப்பிடுறாண்டா என்று பாடுவதை கேட்டு இருக்கிறோம்

நாய் நாயைச் சாப்பிடுவதைப் கேள்விப் பட்டிருக்கிறோம். ஆனால் ஒரு பாம்பு மற்றொரு பாம்பை சாப்பிடுகிறது.

 தென்னாபிரிக்காவில் உள்ள தேசிய பூங்கா ஒன்றில் இருந்தே இத்தகைய காட்சிகள் படம் எடுக்கப்பட்டுள்ளன.

இத்தகைய அரிய காட்சிகளை Piet Heymans என்பர் படம் பிடித்துள்ளார். குறித்த இப்பாம்பு மற்ற பாம்பை 52 நிமிடங்களாக விழுங்கியுள்ளது.

அன்புடன் சக்தி

டீயை குடியுங்கள்-பற்களில் காரை படிவதை டீ தடுக்கிறது

டீ பிரியர்கள் உலகம் முழுமையும் இருக்கிறார்கள். டீ சாப்பிடுவது நல்லதல்ல, பல்லில் கறைபிடிக்கும், பசியை குறைக்கும் என்றெல்லாம் பலர் சொல்வதுண்டு. டீயில் உள்ள காபின் உடல் நலத்துக்கு நல்லதல்ல என்று சொல்வார்கள். ஆனால்

உண்மையில் ஒரு கோப்பை காபியில் இருக்கும் காபினைவிட மூன்றில் ஒரு பங்குக்கும் குறைவாகவே ஒரு கோப்பை டீயில் காபின் உள்ளது.

சரியான அளவில் காபின் எடுத்துக் கொண்டால் அது உடல் நலத்துக்கு மிகவும் நல்லது. மன அழுத்தத்தை குறைக்கும், ஞாபக சக்தியை அதிகரிக்கும்.

மேலும் டீயில் நிறைய புளோரைடு உள்ளது. புளோரைடு பற்களை பாதுகாக்கும் தன்மை கொண்டது. மண்ணில் இருக்கும் ப்ளோரைடை டீச்செடி உறிஞ்சி எடுத்து தனது இலைகளில் சேமித்து வைக்கிறது.

எனவே பற்களுக்கான சத்துக்களை வழங்கும் ஒரு இயற்கை பானமாக டீ இருக்கிறது. பற்களில் காரை படிவதையும் டீ தடுக்கிறது. பல்லை பாதுகாக்க ப்ளோரைடு உள்ள பற்பசையை தேடிப் போக வேண்டிய அவசியம் இல்லை. டீ குடித்தாலே போதும்.

வயிற்றுவலி(அசிடிட்டி) ஏற்பட டீ காரணமாக இருப்பது இல்லை. உண்மையில் கொதிக்கும் தண்ணீரில் கருப்பு டீ போடும் போது அது அல்சருக்கு எதிரான நடவடிக்கையில் ஈடுபடும் பொருளாக மாறுவதாக ஆராய்ச்சிகள் கூறுகின்றன. எனவே ஆரோக்கியமான தேநீரைப் பருகுங்கள்.



டீயில் உள்ள காபின், புளோரைடு போன்ற பொருட்கள் எலும்பை பலவீனப்படுத்துவதாக பல ஆண்டுகளாக நம்பப்பட்டு வந்தது. ஆனால் அண்மைக்கால ஆராய்ச்சிகளில் டீ குடிப்பது எலும்புக்கு நல்லது என நிரூபிக்கப்பட்டுள்ளது.



வயதான பெண்கள் மத்தியில் நடத்தப்பட்ட ஒரு சில ஆய்வுகள் தினந்தோறும் 3 கப் அல்லது அதற்கு அதிகமாக டீ குடிக்கும் பெண்களின் எலும்புகள் டீ குடிக்காத பெண்களின் எலும்புகளை காட்டிலும் நல்ல உறுதியுடன் இருப்பது கண்டுபிடிக்கப்பட்டுள்ளது.



ஆசியாவில் பெரும்பாலும் இந்தியாவில் அதிகமானவர்கள் டீயில் பால் கலந்தே குடிக்கிறார்கள். இதனால் உடலுக்கு தேவைப்படும் கால்சியம் கிடைக்கும். தினந்தோறும் 4 கப் பால் கலந்த டீ குடித்தால் நமது அன்றாட கால்சியம் தேவையில் 21 சதவீதம் கிடைத்துவிடுவதாக ஆய்வுகள் தெரிவிக்கின்றன.



இறைச்சி அல்லாத உணவுகளிலிருந்து கிடைக்கும் இரும்பு சத்து உடலில் சேருவதை டீயில் இருக்கும் ”ப்ளேவோனாய்ட்ஸ்” தடுப்பதாக நம்பப்படுகிறது, இருப்பினும் ஆரோக்கியமானவர்கள் உடலில் இரும்பு சத்து சேருவதை டீ தடுப்பதில்லை, ஆரோக்கியமான உணவை எடுத்துக் கொள்பவர்களுக்கு டீ எந்த கெடுதலையும் ஏற்படுத்தாது.



டீ பிரியர்களாக இருந்து இரும்பு சத்து குறைவாக இருப்பவர்களாக இருந்தால் சாப்பாட்டுக்கு இடையே டீயை குடியுங்கள், சாப்பாட்டுக்குப் பின்பு டீயை குடிக்க வேண்டாம்.



மூன்று கப் தண்ணீர் குடிக்கும்போது அது உடலில் எந்த அளவுக்கு தண்ணீரின் அளவை பூர்த்தி செய்கிறதோ அதே அளவுதான் மூன்று கப் தேநீர் குடித்தாலும் பூர்த்தியாகிறது. தேநீர் உடலின் நோய் எதிர்ப்பு சக்தி அளவை அதிகரிக்கிறது. எனவே உடல் நோய்க் கிருமிகளுக்கு எதிராக போராட தேநீர் உதவுகிறது.



டீ குடிப்பதனால் உடல் எடை கூடுவதில்லை. உண்மையில் டீ குடித்தால் உடல் எடை சீராக இருக்கும். பால் மற்றும் சர்க்கரை இல்லாமல் குடிக்கும் டீயில் கலோரி என்பதே இல்லை.



இதுபற்றி இந்துஸ்தான யூனிலிவர் ரிசர்ச் சென்டரின் இயக்குனர் கவுதம் பானர்ஜி கூறுகையில்,“மிகச்சிறந்த இயற்கை உணவுப் பொருட்களில் டீயும் ஒன்று. ஆரோக்கியமான பானம் டீ. இதில் இருக்கும் ப்ளேவோனாய்ட்ஸ், கேட்சின்ஸ் மற்றும் தியானைன் போன்ற பல விதமான ஆரோக்கிய பொருட்கள் இதயத்துக்கும், செரிமான உறுப்புகளுக்கும், சருமத்துக்கும் நல்ல சக்தியை அளிக்கின்றன.



உடல் எடை குறைத்தல், மூளை சுறுசுறுப்பு மற்றும் வாய் ஆரோக்கியத்துக்கும் டீ ஏற்றது. டீ உடலில் தண்ணீர் பற்றாக்குறையை போக்கும் பானமாகவும் திகழ்கிறது. தினந்தோறும் 3 முதல் 4 கப் டீ பருகுவது ஆரோக்கியமானது” என்கிறார்.

அன்புடன் சக்தி

அதிசைய சிறுவன்-இச்சிறுவனின் புகைப்படத்தைப்பாருங்கள்

 எட்டு வயது தீபக் குமார் என்ற சிறுவனின் 

 மார்பில் இருந்து கால்கள் மற்றும் கைகள் வளர்ந்துவந்துள்ளது .குழந்தையாக இருக்கும்போது 

 அறுவை சிக்கிசை செய்ய முடியாதநிலையில் 

தற்பொழுது  பெங்களூரில் உள்ள மருத்துவமனையில்  http://svrsakthi.blogspot.com/

அறுவை சிக்கிசை முடிந்து நலமுடன் இருக்கிறான்

சிலர் இச்சிறுவனை  கடவுள் அவதாரமாக கருதினர் . 

இச்சிறுவனின் புகைப்படத்தைப்பாருங்கள்

                                                         

                                                       சிகிச்சைக்குப்பின்  
                     


                                                      

பிரான்ஸ்சில்பர்தா அணிந்து வந்த 2 பெண்களுக்கு அபராதம்

. பிரான்ஸ்சில் இஸ்லாமிய பெண்கள் முகத்தை முழுவதுமாக மறைக்கும் பர்தா அணிய கடந்த ஏப்ரல் மாதம் தடை விதிக்கப்பட்டது. சர்வதேச அளவில் தீவிரவாதம் அதிகரித்துள்ள நிலையில்.பர்தாவை தவறாக பயன்படுத்த கூடும் என்ற அச்சத்தில் இந்த தடை கொண்டு வரப்பட்டது.


 

மத வழக்கங்களுக்கு தடை விதித்ததால் இஸ்லாமியர்கள் கடும் எதிர்ப்பு தெரிவித்து வருகின்றனர். இந்நிலையில்,தடையை மீறி மீயக்ஸ் நகரில் பர்தா அணிந்து வந்த 2 பெண்களுக்கு உள்ளூர் நீதிமன்றம் நேற்று அபராதம் விதித்தது.

ஹிந்த் அமாஸ் (32) என்ற பெண்ணுக்கு 120 யூரோவும், நஜாத் நய்த் அலி (36) என்ற பெண்ணுக்கு 80 யூரோவும் அபராதம் விதிக்கப்பட்டது..

அபராதத் தொகை ஒரு பிரச்னையே அல்ல. ஆனால், எங்கள் மதவழக்கங்களை பின்பற்றுவதற்கு தடை விதிப்பதை ஏற்க முடியாது இதை எதிர்த்து மனித உரிமைகளுக்கான ஐரோப்பிய நீதிமன்றத்தில் மேல்முறையீடு செய்ய போவதாக இவர்கள் கூறியுள்ளனர். பிரான்ஸ் தவிர பெல்ஜியம், இத்தாலியின் சில நகரங்களிலும் பர்தாவுக்கு தடை உள்ளது.











 
அன்புடன் சக்தி